Ал, «Азаматтарға арналған Үкімет» мемлекеттік корпорациясының облыс бойынша филиалының мәліметінше, өңірде мемлекеттік қызмет көрсету сапасын арттыру бағытында 30-дан астам жобалар жүзеге асырылуда. Бұрын тұрғындар бір анықтамалық құжат үшін 2-3 күн жүрсе, қазір қызмет небары 2 минутта көрсетіледі. Енді павлодарлықтар автокөліктерін онлайн режимінде тіркеу мүмкіндігіне ие болады. Қажетті қызметті үйде отырып жасай алады. Қазір электронды үкімет қызметін пайдаланушылардың қатары артуда.
Бүгінде өңірдегі халыққа қызмет көрсету орталықтарындағы (ХҚКО) 621 мемлекеттік қызметтің 44-і электронды түрде көрсетіледі. Барлығында «ConnectionPoint» атты өзіне-өзі қызмет көрсету орындары да жабдықталған. Талон түбіртегін алып, кезекте тұрмай, өздері-ақ электронды сандық қолтаңба арқылы басқа да 700 қызметті тұтына алады.
Фарида Бықай
«Егемен Қазақстан»
ПАВЛОДАР
